Универзитет “Св. Кирил и Методиј”
По препорака на Проф. Лидија Стојановиќ, во рамките на CEEPUS III програмата во периодот од 07-20. 07. 2025, нашата докторандка Илза Рустеми престојува на EUROPEAN STUDIES SUMMER SCHOOL 2025 (2-WEEK PROGRAM), UNIVERSITY OF PÉCS, Hungary.
Од 09.-15.07.2025 година Проф. Гражина Гајевска од Универзитетот во Познањ (Полска) престојуваше во Институтот за фолклор „Марко Цепенков“ за потребите на проектот „THE HYDROFEMISM WRITING OF THE NATURECULTURE ART TEXTS“ преку Еразмус програмата. Домаќин беше проф. д-р Лидија Стојановиќ.
На 25.06.2025 нашата колешка проф. д-р Лидија Стојановиќ учествуваше на 3th Annual Intercultural Empathy Symposium, (June 23-25), Northeastern University, Boston со интердисциплинарно истражување посветено на автоетнографијата и емпатијата. Да се види: Tatjana Kobb, MD, Lecturer, College of Professional Studies, Boston and Lidija Stojanovic, PhD, Professor, Marko Cepenkov Institute of Folklore, Ss. Cyril and Methodius University, Skopje, RN Macedonia: “From Isolation to Advocacy: An Honors Society High Schooler and Medical Student’s Journey Through Animosity and Belonging as a Global Health Professional”. На следнио0в линк можете да ги проследите активностите поврзано со симпозиумот https://gls.northeastern.edu/intercultural-empathy-symposium/
На последната седница на Претседателството на Комисијата за фолклористика на Меѓународниот комитет на слависти одржан на 18.06.2025, Проф. Лидија Стојановиќ е избрана за нејзин член поради заслугите во меѓународното промовирање на македонската фолклористика. Целта на оваа комисија е поттикнување на истражувањата на следните начини: создавање експертска мрежа околу групата, предавања и лични представувања на членовите, информирање за сопствените и заеднички научни резултати и трудови, промовирање на работата на групата и целата нејзина област на делување кон пошироката публика, создавање на основни списоци на препорачани извори и литература итн. Ова е голем успех за Инситутот за фолклор „Марко Цепенков“, но пред се’ за македонската фолклористика. Со почетокот на следната академска школска година (2025/2026) ќе продолжат активностите во насока на интензивна соработка и промоција на нашата наука во меѓународниот словенски свет. На линкот можат да се видат досегашните активности https://slavika.org/folklor/ .
