Апстракт:

Манифестацијата „Мисирков ден“, посветена на 120-годишнината од списанието Вардар (Одеса, 1905), се одржа на 18 ноември 2025 година, во организација на Институтот за национална историја во соработка со Институтот за македонски јазик „Крсте Мисирков“, Институтот за фолклор „Марко Цепенков“ и Институтот за македонска литература. Настанот се организираше на иницијатива и во координација на проф. д-р Билјана Ристовска-Јосифовска и проф. д-р Лилјана Гушевска, а претставува продолжение на Тркалезната маса „Академскиот профил на Крсте Мисирков“ (по повод 150 години од неговото раѓање), која се одржа на 18 ноември 2024 година, со идеја да се профилира Мисирков како научник и низ призмата на неговата разнородна академска дејност.